მოვიცილოთ ვარჯიშის შემდგომი კუნთების ტკივილი
თითოეულ ჩვენგანს ერთხელ მაინც გამოუცდია კუნთების ტკივილი. ზოგს ხანგრძლივი გასეირნების, ზოგს ცეკვის ან ფიტნესის საცდელი გაკვეთილის შემდეგ, ზოგს კი აგარაკზე გატარებული შაბათ-კვირის დასვენებების შემდეგ. როგორც წესი, ტკივილი რამდენიმე დღის შემდეგ თავად გაივლის ხოლმე.
დამწყები სპორტსმენები ხშირად აწყდებიან მსგავს პრობლემას ვარჯიშების შემდეგ. ეს ძალიან არასასიამოვნოა: კუნთები გტკივათ, „ქვასავით“ ხდება, ნებისმიერი მოძრაობა დისკომფორტს იწვევს. ტკივილი საღამოს ან დილით იჩენს თავს, ზოგჯერ კი რამდენიმე დღის განმავლობაში გრძელდება, და გაიძულებთ დატვირთვის შემცირებას, ან ვარჯიშებზე მთლიანად უარის თქმას. რატომ გვტკივა კუნთები?
კუნთების ტკივილის გამომწვევი რამდენიმე მიზეზი არსებობს: რძის მჟავა, რომელიც წარმოიქმნება ინტენსიური ვარჯიშის დროს, კუნთების ქსოვილის მიკრო დაზიანებები, სითხის შეფერხებული გადინება, ზეწოლა ნერვულ დაბოლოებებზე. თუ ტკივილი „დაგვიანებულ“ ხასიათს ატარებს, ანუ ვარჯიშის მეორე დღეს ან ერთი დღის გავლის შემდეგ ვლინდება, ორგანიზმი ჯერ არ შევიდა „სავარჯიშო“ რეჟიმში და აღსადგენად 1-2 დღე დაგჭირდებათ.
რა მოვიმოქმედოთ?
იმისათვის, რომ ტკივილი ვარჯიშების შემდგომი გაგრძელებისთვის დაბრკოლებად არ იქცეს, სპორტსმენები ვარჯიშების თითოეული კომპლექსის შემდეგ „სისხლს შლიან“ – მსუბუქ განტვირთვას აკეთებენ (მომადუნებელი ვარჯიშების, გაჭიმვების სერია) და განმეორებით კარდიო-სერიას (სახტუნელა, ძუნძულით სირბილი, სუნთქვითი გიმნასტიკა) – ეს ხელს უწყობს კუნთებიდან რძის მჟავის გამოდევნას და შემდგომში სრულად აქრობს ტკივილის შეგრძნებებს. საწყის ეტაპებზე, გარდაუვალი ტკივილის მოხსნის მიზნით რეკომენდებულია:
1. აუცილებელი გახურება ვარჯიშის დაწყებამდე და მის შემდეგ.
2. თბილი შხაპი. წყლის პროცედურები დაგეხმარებათ კუნთების მოდუნებაში და სისხლის მიმოქცევის აღდგენაში.
3. კუნთების გახურება. დამატებითი გახურების მიზნით გამოიყენება სკიპიდარის და ქაფურის საფუძველზე დამზადებული მალამოები, ისინი აუმჯობესებენ სისხლის მიმოქცევას და აჩქარებენ აღდგენით პროცესს, სითხის შეგუბების თავიდან აცილებაში გვეხმარებიან. გამახურებელი მალამოები წერტილოვანი წესით გამოიყენება, მხოლოდ მტკივნეული კუნთის არეში, ასე ეფექტი მაქსიმალური იქნება. სააფთიაქო ასორტიმენტიდან უნდა აირჩიოთ ტკივილგამაყუჩებელი ეფექტის მქონე მალამოები, მაგალითად, „კაპსიკამი®“.
4. საუნა ან ორთქლის აბანო. ტემპერატურის ცვალებადობა და სხეულის თანაბარი გაცხელება ხელს უწყობს რძის მჟავის გამოდევნას და ასტიმულირებს ქსოვილების აღდგენას. შეგიძლიათ საუნაში ვარჯიშის შემდეგ წახვიდეთ.
5. მომადუნებელი თბილი აბაზანა ზღვის მარილით, ლავანდით, გვირილით ან სალბით ასევე დამამშვიდებელ ეფექტს იძლევა, განსაკუთრებით, თუ წყალს ძლიერ გაგრილების საშუალებას არ მისცემთ.
6. მასაჟი. ზოგჯერ ვარჯიშის შემდეგ კუნთების აღსადგენად რეკომენდებულია პროფესიული მასაჟი. ეს პროცედურა ხელს შეუწყობს სისხლის მიმოქცევის გაუმჯობესებას, ორგანიზმში სითხისა და რძის მჟავის დაგროვებას (შეგუბებას).
7. ანანასი ან ანანასის წვენი. შეიცავს ფერმენტებს, რომლებიც შლიან რძის მჟავას.
ვარჯიშის შემდგომი აღდგენის რამდენიმე მეთოდის ერთდროულად გამოყენებისას, შესაძლებელია საუკეთესო შედეგის მიღწევა: გაუსაძლისი ტკივილი ძლივს შესამჩნევ ტკივილად გადაიქცევა. თუმცა, თუ აუტანელი „დაგვიანებული“ ტკივილი მუდმივად გაწუხებთ, ყურადღება მიაქციეთ იმას, თუ როგორ ვარჯიშობთ. იქნებ, ნამდვილად საჭიროა ტემპის „შენელება“ ან დატვირთვის გადანაწილება, ან იქნებ მისცეთ ორგანიზმს დაზიანებული კუნთების სრულად აღდგენის საშუალება და დროებით გადაერთოთ სხვა ვარჯიშებზე.
