კუნთების გახურება ნებისმიერი ვარჯიშის განუყოფელი საწყისი ნაწილია
სპორტული აქტივობა უამრავი ადამიანისთვის ცხოვრების განუყოფელი ნაწილია, თუმცა პროფესიონალურად მხოლოდ ერთეულები ვარჯიშობენ. სინამდვილეში, ძალიან ბევრისთვის, სიმხნევე და ლამაზი, მოხდენილი სხეული, მედლებზე და შეჯიბრებზე მეტად მნიშვნელოვანია. ამასთან, მოყვარული სპორტსმენების მხოლოდ ერთი მესამედი ვარჯიშობს მწვრთნელის დახმარებით ან სპეციალური პროგრამის მიხედვით. დანარჩენს ურჩევნია საკუთარ შეგრძნებებზე და მოთხოვნილებებზე ორიენტირება.
კუნთების გახურება ნებისმიერი ვარჯიშის განუყოფელი საწყისი ნაწილია
უამრავ დამწყებ სპორტსმენს ვარჯიშის წინ კუნთების გახურების აუცილებლობაზე არაფერი სმენია. არადა, თუ დატვირთვას „ცივ“ კუნთებზე მოვახდენთ, შეიძლება შედეგად დაჭიმვა, გაწყვეტა, სახსრების და იოგების ტრავმები მივიღოთ. გარდა ამისა, „ცივი“ ვარჯიშის ეფექტი გაცილებით ნაკლებია.
გახურების მიახლოებითი პროგრამა მოიცავს კუნთების ძირითად ჯგუფებს და გათვლილია საშუალო მომზადების მქონე ადამიანზე. მაშასადამე:
• ჟანგბადით სისხლის გაჯერება და წნევის მომატება. ეს აუცილებელია, რათა ორგანიზმი დატვირთვისთვის მოვამზადოთ და კუნთებს აღდგენაში დავეხმაროთ. 3-4 წუთიანი სირბილი ძუნძულით ან ადგილზე სირბილი, 50-70 ახტომა სახტუნელათი, „სასკოლო“ მოთელვა. ეს საკმარისია იმისათვის, რომ ორგანიზმი ვარჯიშისთვის განვაწყოთ.
• სახსრების მოთელვა. ეს აუცილებელია სახსრების სწრაფი გაცვეთის თავიდან ასაცილებლად: კარგი მოთელვა ხელს უწყობს სახსრების შენარჩუნებას და ტრავმებისა და „ტკაცუნის“ თავიდან აცილებას ვარჯიშის დროს. უნდა მოხდეს მთლიანი სხეულის მოთელვა, მიუხედავად იმისა, რა ჯგუფის კუნთების გავარჯიშებას აპირებთ. შეასრულეთ რამდენიმე ბრუნი მტევნებით, იდაყვებით, მხრებით. გააკეთეთ რამდენიმე გვერდით დახრა, წინ გადახრა, კორპუსის მოტრიალება. ხერხემლისთვის ჰიპერექსტენზია იქნება სასარგებლო, ასევე შეიძლება პრესის გავარჯიშება 1-2 მიდგომით (შესვენებით).
• გავჭიმოთ იოგები. გაჭიმვა ხდება ნელა, მკვეთრი მოძრაობების გარეშე. ეს აუცილებელია იმისათვის, რომ იოგებმა მომატებულ დატვირთვებს გაუძლონ. აუცილებლად შეასრულეთ ხელების, ფეხების, განსაკუთრებით კი მაჯის და წვივების გაჭიმვა: უფრო ხშირად სწორედ ისინი ზიანდება.
პროფესიონალი სპორტსმენები გახურებაზე ვარჯიშის დროის მესამედს ხარჯავენ. პროცესის დასაჩქარებლად და გახურების დროის შესამცირებლად, გამოცდილი ხერხი არსებობს: ვარჯიშის დაწყებამდე წაისვით კუნთებზე მცირე რაოდენობის გამახურებელი მალამო „კაპსიკამი®“. სპორტსმენები ხშირად იყენებენ მას სისხლის მიმოქცევის გასაუმჯობესებლად და კუნთების დაძაბულობის შესამცირებლად. მალამო შეიცავს 5 აქტიურ კომპონენტს, რომელთა მოქმედება მიმართულია კუნთების ტროფიკის გაუმჯობესებაზე, მალამოს წასმის ადგილებში სისხლის მიმოქცევის გაზრდის ხარჯზე. მალამო, აპლიკატორის დახმარებით, თხელი ფენით ისმევა გასახურებელ კუნთებზე, და უკვე რამდენიმე წუთში თქვენ იგრძნობთ სითბოსა და უმნიშვნელო წვის შეგრძნებას. ახლა უკვე მოთელვა შეიძლება შემცირდეს 1,5-2-ჯერ. გამათბობელი და მომადუნებელი მოქმედების გამო, მალამო ხშირად გამოიყენება დაჟეჟილობებზე, დაჭიმვებსა და სხვა დახურულ ტრავმებზე.
თუმცა, უნდა გვახსოვდეს, რომ ვარჯიშის დასრულებისას მალამო მოსაცილებელია ზეთში ან ცხიმიან კრემში დასველებული ბამბის ტამპონით. წყლით ასეთი მალამოს ჩამობანა სასურველი არა არის, რადგან წყალი ხელს შეუწყობს გამახურებელი ეფექტის გაძლიერებას. ასევე, მალამო არ უნდა წავისვათ გაღიზიანებულ და დაზიანებულ კანზე, წინააღმდეგ შემთხვევაში, წვა გაუსაძლისი გახდება.
ვარჯიშები მოთელვით, გაჭიმვით და ძალოვანი კომპლექსით მაქსიმალურ ეფექტს იძლევა: სახსრები უფრო მოძრავი ხდება, კუნთები – უკეთესად გამოიკვეთება, სხეული მოვლილ და სპორტულ იერსახეს იძენს. ასე რომ, განეწყეთ სრულყოფილ ვარჯიშზე და წარმატება არ დააყოვნებს!
„სპორტსმენთა დაავადება“: ტკივილის გაქრობის ეფექტური საშუალებები
ამერიკის შეერთებული შტატების ეროვნულმა საუნივერსიტეტო სპორტულმა ასოციაციამ NCAA (National Collegiate Athletic Association) დაადგინა, რომ ყოველწლიურად, მთელ მსოფლიოში დაახლოებით 10 მილიონამდე სპორტული ტრავმა ფიქსირდება. ეს კი მხოლოდ ოფიციალური სტატისტიკაა. ამასთან, ტრავმების უმეტესობა მიღებულია უცოდინრობისა ან უყურადღებობის გამო, უმარტივეს სპორტულ იარაღებზე, მაგალითად, სარბენ ბილიკზე. როგორ დავეხმაროთ საკუთარ თავს, თუ უბედურება თავს დაგვადგა?
